ტეხასის ქალაქ კოლივილის სინაგოგიდან ყველა მძევალი გაათავისუფლეს. ინფორმაციას ამის შესახებ შტატის გუბერნატორი გრეგ ებოტი Twitter -ით ავრცელებს.

როგორც სააგენტო Associated Press-ი აღნიშნავს, გვიან საღამოს სინაგოგიდან აფეთქებისა და სროლის ხმა გაისმა. ათსაათიანი ოპერაციის შემდეგ, გამოძიების ფედერალური ბიუროს თანამშრომლებმა სინაგოგადან მძევლები შტურმის შედეგად უვნებლად გაათავისუფლეს. სამართლადამცველების ცნობით, თავდამსხმელი მკვდარია.

ტელეარხ ABC-ის ცნობით, თავდამსხმელმა მძევალდ ოთხი ადამიანი აიყვანა, მათ შორის რაბინი.

როგორც ტელერახს ხელისუფლების წარმომადგენელმა განუცხადა, შეიარაღებული მამაკაცი ამტკიცებდა, რომ ტერორიზმისთვის დაკავებული ააფი სიდიკის ძმა იყო და მის გათავისუფლებას მოითხოვდა.

სიდიკი სასჯელს ტეხასში, სამხედრო-საჰაერო ძალების ბაზაზე იხდის. მას 86-წლიანი პატიმრობა 2010 წელს ამერიკელი ჯარისაცის მკვლელობისთვის მიესაჯა, ამასთან ის ბრალდებულია ტერორისტულ დაჯგუფება „ალ-ქაიდასთან“ კავშირში.