მომღერალ ადელის ალბომი „30“, რომელიც ნოემბერში გამოვიდა, დიდ ბრიტანეთში, 2021 წლის შედეგებით ყველაზე გაყიდვადი გახდა. საინტერესოა, რომ 6 თვის განმავლობაში 600 ათასზე მეტი ასლი გაიყიდა. ინფორმაციას BBC ავრცელებს.

აღსანიშნავია, რომ მომღერლის წინა ალბომის „25“, 800 ათასზე მეტი ერთეული მხოლოდ პირველ კვირაში გაიყიდა.

ასეთი განსხვავება იმით აიხსნება, რომ ადამიანთა უმეტესობა ალბომების მოსასმენად იყენებს სტრიმინგსერვისებს, რომელზეც მომხმარებელთა 83 პროცენტი მოდის. გასულ წელს დიდ ბრიტანეთში მოუსმინეს 147 მლრდ ტრეკს, რაც რეკორდულია და 2020 წელთან შედარებით 5,7 პროცენტით მეტია.

 „30“ მომღერლის მეოთხე სტუდიური ალბომია, რომელიც მან 2021 წლის 19 ნოემბერს წარადგინა ლეიბლებით Melted Stone დაColumbia. ალბომის ინსპირაცია იყო ადელის პირადი ცხოვრება, სიმღერებში გაჟღერებულია განქორწინების, დედობისა და დიდების თემატიკა.