ჟურნალისტი ეკა მიშველაძე საზოგადოებრივი მაუწყებლის სამსახურიდან გათავისუფლებასთან დაკავშირებით კომენტარს აკეთებს. მიშველაძის თქმით, ეს გადაწყვეტილება უკანონოა და დავის გაგრძელებას სასამართლოში აპირებს.

„მაუწყებლის ამ გადაწყვეტილებას, რომელიც არის აბსოლუტურად აბსურდული, უსუსური და არაპროფესიონალური, 6 თვის განმავლობაში ველოდებოდი. გიორგი ბარათაშვილისგან მქონდა შემოთავაზება, რომ მე გასართობი გადაცემა გამეკეთებინა, რაზეც მე უარი ვთქვი, რადგან ჩემი ჟანრი არ არის. როდესაც უარი ვთქვი, მითხრა, რომ გააკეთე ისევ თოქ-შოუ, ოღონდ პირობა იყო, რომ ეთერში პოლიტიკოსები არ მომეყვანა, რაზეც მე დავთანხმდი. სიტყვიერი შეთანხმება იყო, რომ ეთერში იანვარში გავიდოდა, იანვარი გავიდა, მაგრამ არაფერი. მე ოფიციალური წერილით მივმართე გენერალურ დირექტორს, იმიტომ, რომ მაინტერესებდა რა ბედი მელოდა და როდემდე შეიძლებოდა დარღვეულიყო ჩემი უფლებები, ჩემი წერილის შემდეგ ორი დღის შემდეგ მივიღე ვრცელი წერილი. ეს ყველაფერი არის უკანონობა, მე დავას გავაგრძელებ სასამართლოში, მივმართავ ყველა უფლებადამცველს,“- განაცხადა ეკა მიშველაძემ.