ჟურნალმა Time-მა 2021 წლის 100 ყველაზე გავლენიანი ადამიანი დაასახელა.

2021 წლის 100 ყველაზე გავლენიანი ადამიანი გამოცემამ სხვადასხვა კატეგორიების მიხედვით დაჰყო. ესენია: კერპები (icons), პიონერები, ტიტანები, ხელოვანები, ლიდერები, ნოვატორები.

კერპების კატეგორიას პრინცი ჰარი და მეგან მარკლი, სასექსის ჰერცოგი და ჰერცოგინია ლიდერობენ.

ამავე კატეგორიაში მოხვდნენ - ჩოგბურთელი ნაომი ოსაკა, რუსი პოლიტიკოსი ალექსეი ნავალნი, მომღერალი ბრიტნი სპირსი, ირანელი უფლებდამცველი ნასრინ სოტუდე და სხვები.

პიონერების კატეგორიას ამერიკელი მომღერალი ბილი აილიში ლიდერობს.

ამავე კატეგორიაში მოხვდნენ - ჯორჯ ფლოიდის ოჯახის ადვოკატი ბენჯამინ კრამპი, ამერიკელი ტანმოვარჯიშე სუნისა ლი, ევროკომისიის ვიცე-პრეზიდენტი ფრანს ტიმერმანსი, ინდონეზიელი მკვლევარი ადი უტარინი, თურქი ეკონომისტი ფათიჰ ბიროლი და სხვები.

ტიტანების კატეგორიას ამერიკელი ტანმოვარჯიშე, მსოფლიოს 19-გზის და 4-გზის ოლიმპიური ჩემპიონი სიმონა ბაილზი ლიდერობს.

ამავე კატეგორიაში მოხვდნენ - კორპორაცია Apple-ის ხელმძღვანელი ტიმ კუკი, სამხრეთკორეელი მსახიობი იუნ იო ჯონი მოხვდნენ, სცენარისტი და პროდიუსერი შონდა რაიმსი, UNICEF-ის კეთილი ნების ელჩი ანჟელიკა კიჯო და სხვები.

ხელოვანების კატეგორიას ბრიტანელი მსახიობი ქეით უინსლეტი ლიდერობს.

ამავე კატეგორიაში მოხვდნენ - რეჟისორი ქლოა ჩჟაო, მსახიობი სკარლეტ იოჰანსონი, რეპერი Lil Nas X, მსახიობი დანიელ კალუია, ამერიკელი პროფესორი, ჟურნალისტი და ავტორი ჯესიკა ბი ჰარისი და სხვები.

ლიდერების კატეგორიას მსოფლიო სავაჭრო ორგანიზაციის დირექტორი ნგოზი ოკონჯო-ივეალა ლიდერობს.

ამავე კატეგორიაში მოხვდნენ - აშშ-ის მოქმედი და ამჟამინდელი პრეზიდენტები - ჯო ბაიდენი და დონალდ ტრამპი, ვიცე პრეზიდენტი კამალა ჰარისი, ჩინეთის ლიდერი სი ძინპინი, ინდოეთის პრემიერ-მინისტრი ნარენდრა მოდი, ისრაელის პრემიერ-მინისტრი ნაფტალი ბენეტი, ირანის პრეზიდენტი ებრაჰიმ რაისი, თალიბანის ერთ-ერთ ლიდერი მოლა აბდულ ღანი ბარადარი და სხვები.

ნოვატორების კატეგორიას ამერიკული კომპანია Nvidia-ს აღმასრულებელი დირექტორი ჯენსენ ჰუანგი ლიდერობს.

ამავე კატეგორიაში მოხვდნენ - ილონ მასკი, ბიოქიმიკოსი კატალინ კარიკო, აფრიკის დაავადებათა კონტროლისა და პრევენციის ცენტრის დირექტორი ჯონ ნკენგასონგი, კრიპტოვალუტა Ethereum-ის შემქმნელი ვიტალიკ ბუტერინი და სხვები.