დაავადებათა კონტროლის ეროვნული ცენტრის დირექტორის, ამირან გამყრელიძია თქმით, ვინც ასტრაზენეკას პირველი დოზიდან 10-12 კვირაში ელოდება მეორე დოზას, ისინი აუცილებლად აიცრებიან, ხოლო ვინც 4-10 კვირაში ჩაეწერა, მათ მოთმინება მოუწევთ. მიზეზიავაქცინის შეფერხებული მოწოდებაა. ამასთან ერთად, ვინც ასტრაზენეკას ვაქცინის პირველ დოზაზე არის ჩაწერილი, მათ შეიძლება ჩინური ვაქცინები შესთავაზონ.

"ვაქცინის მიწოდებაში შეფერხების გამო, ვერ ხერხდება ასტრაზენეკას პირველ დოზაზე და რევაქცინაციის მიზნით პირველი აცრიდან 10 კვირამდე პერიოდში მეორე დოზაზე რეგისტრირებული მოქალაქეების აცრა, მათ მიერ განსაზღვრულ თარიღში. ყველა იმ მოქალაქეს, რომელთაც დაგეგმილი ჰქონდათ ასტრაზენეკას ვაქცინით აცრა, უახლოეს პერიოდში მიეცემათ აცრის შესაძლებლობა. ამასთან, ყველა იმ მოქალაქეს, რომელსაც დაჯავშნილი ჰქონდა რევაქცინაცია პირველი აცრიდან 10-12 კვირაში, შეუფერხებლად შეძლებენ აცრას მათ მიერ შერჩეულ თარიღში, კიდევ ერთხელ გიხდით ბოდიშს", – ამბობს ამირან გამყრელიძე.

ამასთან, შესაძლოა, მათ, ვისაც მეორე დოზით აცრა უფერხდებათ, ალტერნატივად ჩინური ვაქცინები შესთავაზონ, სურვილისამებრ.

"ანუ პირველ დოზაზე ვინც იყო ჩაწერილი, მათ შეიძლება ჩვენ ამ ეტაპზე, დღესაც ვმუშაობთ უნისეფთან, რათა დაგვიზუსტონ, როდის მოგვეწოდება დასაგეგმად, ალტერნატივად შეიძლება სინოფარმით ან სინოვაკით შევთავაზოთ აცრა, სურვილისამებრ. დავაზუსტებ, ყველა ადამიანი, ვინც ჩაწერილი იყო და 10-12 კვირაში ელოდებოდა, ყველა ის ადამიანი აიცრება, ვისაც ჰქონდა დაჯავშნილი პირველი აცრიდან 4 დან 10 კვირამდე, მათ ვთხოვთ მოთმინებას". – ამბობს ამირან გამყრელიძე.

მოქალაქეებს, რომლებიც კორონავირუსის საწინააღმდეგო ასტრაზენეკას ვაქცინის პირველი დოზით უკვე აიცრნენ, მეორე დაჯავშნილ დოზას ვერ იღებენ. დაავადებათა კონტროლის ეროვნული ცენტრისგან მათ მიიღეს შეტყობინება, რომ ჯავშანი შეჩერებულია.