ახალი ზელანდიელი ლორელ ჰაბარდი პირველი ტრანსგენდერი სპორტსმენი გახდა, რომელიც ოლიმპიადაზე იასპარეზებს.

ჰაბარდი ტოკიოს ოლიმპიადაზე იასპარეზებს ქალთა 87-კილოგრამიან წონით კატეგორიაში.

2013 წელს ლორელ ჰაბარდი ოლიმპიურ თამაშებში კაცთა გუნდში ასპარეზობდა.

43 წლის სპორტსმენმა ოლიმპიადაზე ასპარეზობის უფლება მას შემდეგ მიიღო, რაც საერთაშორისო ოლიმპიურმა კომიტეტმა (IOC) 2015 წელს შეცვალა წესები, რითაც ტრანსგენდერ სპორტსმენებს უფლება მიეცათ შეჯიბრში მონაწილეობისა, თუ მათი ტესტოსტერონის დონე გარკვეულ ზღვარს მიღმაა. ტესტოსტერონი არის ჰორმონი, რომელიც ზრდის კუნთის მასას.

ამ გადაწყვეტილების კრიტიკოსები ამბობენ, რომ ჰაბარდის შეჯიბრში მონაწილეობა, მიუხედავად იმისა, რომ მისი ტესტოსტერონის დონე დადგილ ზღვარზე დაბალია, უსამართლოა და სხვა ქალებთან მიმართებაში უპირატეს მდგომარეობაში აყენებს.

კრიტიკოსები აცხადებენ, რომ ჰაბარდს ბიოლოგიურ უპირატესობები აქვს სხვა ქალებზე, რადგან მან სქესობრივი მომწიფების პერიოდი გაიარა როგორც მამაკაცმა და მისი ძვლისა და კუნთების სიმკვრივე განსხვავებულად არის განვითარებული.

ტოკიოს ოლიმპიური თამაშები 23 ივლისს დაიწყება და 3 აგვისტოს დასრულდება.