დმანისში დაპირისპირებაში მონაწილე ჯგუფებმა პოლიციის კორდონი გაარღვიეს და ერთმანეთს ქვებითა და ხელკეტებით დაუპირისპირდნენ.

სამართალდამცველები მხარეების შეკავებას ვერ ახერხებენ. ადგილზე იმყოფებიან სპეცდანიშნულების რაზმის წევრებიც. გავრცელებული ინფორმაციით, დაკავებულია რამდენიმე ადამიანი, ასევე ვრცელდება ინფორმაცია რამდენიმე დაშავებულის შესახენ, რომელთა შორისაც პოლიციელებიც არიან.

დმანისში ეთნიკურად აზერბაიჯანელი და ქართველი ახალგაზრდების ორ ჯუფს შორის დაპირისპირება გუშინ მოხდა. ახალგაზრდები ერთმანეთს ხელკეტებით გაუსწორდნენ. დაპირისპირებული მხარეების ყველა წევრი პოლიციაში გუშინ დაკითხეს, გამოკითხვები დღესაც გრძელდებოდა, რა დროსაც დაპირისპირების ახალი ტალღა დაიწყო.

დაპირისპირების მიზეზი მაღაზიაში ე.წ. ნისიაზე უარის თქმა გახდა.