იტალიურ მედიაში გამოქვეყნდა ინფორმაცია, რომლის თანახმად, საქართველოს ნაკრების 20 წლის თავდამსხმელის ხვიჩა კვარაცხელიას შესაძენად ტურინის იუვენტუსის ხელმძღვანელობა მზად არის, ყაზანის რუბინს 20 მილიონი ევრო გადაუხადოს. 

"იუვენტუსმა ნაბიჯი წინ გადადგა რუბინის შემტევის, ხვიჩა კვარაცხელიას ხელში ჩასაგდებად. მილანთან კონკურენციაში იუვენტუსს ფეხბურთელის თანხმობა აქვს. საკითხი, სავარაუდოდ, პრინციპულად შეთანხმებულია, თუმცა მიბმულია იუვენტუსის ჩემპიონთა ლიგაში თამაშზე. ის იქნება პირველი ქართველი "ბებერი ქალბატონის" შემადგენლობაში. იუვე ტალანტებზე ნადირობს, კვარაცხელია გუნდს მოუახლოვდა".

ხვიჩა კვარაცხელიათი ასევე დაინტერესებულნი არიან მილანი, "ინტერი", რომა და დორტმუნდის ბორუსია. ცოტა ხნის წინ კი ან footballfancast.com-მა ექსკლუზიური ინფორმაცია გამოაქვეყნა, რომლის თანახმად, ლიდს იუნაიტედის საფეხბურთო დირექტორი ვიკტორ ორტა ხვიჩა კვარაცხელიას აგენტთან მოლაპარაკაებას აწარმოებს, ზაფხულში სავარაუდო ტრანსფერზე.