პარტია მოქალაქეების წევრები ალეკო ელისაშვილი და ლევან იოსელიანი დღეიდან საკანონმდებლო ორგანოში საქმიანობას იწყებენ. როგორც ელისაშვილმა ჟურნალისტებს განუცხადა, ის პარლამენტში თავაწეული შევიდა, რადგან 4 პოლიტპატიმარი გათავისუფლებულია.

"ჩვენ აქ ნამდვილად თავაწეულები შემოვედით იმიტომ, რომ 4 პოლიტპატიმარია გათავისუფლებულია, ვისზეც ვლაპარაკობდით და ბოლოს მოლაპარაკების მაგიდას მხოლოდ მე და ლევანი შემოვრჩით, იმ მოლაპარაკების შედეგად გამოვიდა ორი ადამიანი. ასევე, გაფორმებულია მემორანდუმი, რომელიც სინამდვილეში ამ ქვეყნის პერსპექტივაა. პირველ რიგში, ჩვენ ვაპირებთ იმ მემორანდუმში არსებული პუნქტების კანონად ქცევას და ამაზე მუშაობას", - ამბობს ელისაშვილი.

ელისაშვილმა და იოსელიანმა პარლამენტში შესვლის გადაწყვეტილება 29 იანვარს მიიღეს.