"გაზპრომთან მოლაპარაკებების ვერანაირ მიზეზს ვერ ვხედავ", - ეს განცხადება, "თავისუფალი დემოკრატების" ლიდერმა ირაკლი ალასანიამ , ტელეკომპანია " რუსთავი2"-ის ეთერში გააკეთა.

თავდაცვის ყოფილი მინისტრის განცხადებით, "გაზპრომთან" მიმდინარე მოლაპარაკებების შესახებ კითხვები ამერიკელ პარტნიორებსაც აქვთ. "თავისუფალი დემოკრატების" ლიდერს მიაჩნია, რომ გაზპრომთან ფარულად მიმდინარე მოლაპარაკებები პროცესის მიმართ დამატებით კითხვებს აჩენს.ალასანიას განცხადებით, აუცილებელია, ქვეყანაში შეიქმნას ენერგეტიკული უსაფრთხოების სტრატეგია.

"რატომ აჩერებ არჩევანს გაზპრომზე, როცა მეგობარი ქვეყანა გაცილებით იაფ გაზს იმდენს გაძლევს, რამდენიც გინდა, გაუგებარია. ეს ასახსნელია საზოგადოებისთვის. ასევე მნიშვნელოვანია, რატომღაც იჭიმება ჩვენი დეკლარილებული პოზიცია, რომ ევროკავშირის ენერგეტიკული გაერთიანების წევრი გავხდეთ. ამას რომ ჭიმავენ, ეს ჩვენს ეჭვებს კიდევ უფრო აღრმავებს. ამიტომაც დავიბარეთ მინისტრი პარლამენტში," - აცხადებს ალასანია.