ევროპული საქართველოს წევრი, ლევან თარხნიშვილი, გუშინ, საოლქო კომისებთან აქტივისტების დაკავებას ეხმაურება.

თარხნიშვილის თქმით, გუშინ აქტივისტების დაკავება იყო ლოგიკუირ გაგრძლება იმ ჯაჭვის, თუ როგორ მოქმედებდა საარჩევნო კომისია არჩევნების განმავლობაში.

თარხნიშვილის თქმით, ისინი მოითხოვენ, რომ ეს არჩევნები ჩატარდეს ლეგიტიმურად, დაინიშნოს ხელახალი არჩევნები, რომელსაც ჩაატარეს ახალი საარჩევნო კომისია, ხოლო ცესკოს თავჯდომარე, თამარ ჟვანია გადადგეს დაკავებული თანამდებობიდან.

„ის რაც გუშინ მოხდა და როგორც მოიქცა ცენტრალური საარჩევნო კომისია არის ლოგიკური მთელი იმ ჯაჭვისა, თუ როგორ იქცეოდა საარჩევნო კომისია არჩევნების განმავლობაში.

მათ არ მოახდინეს რეაგირება არცერთ დარღვევაზე, დააკომპლექტეს მთელი იერარქია საარჩევნო კომისიის არაკომპეტენტური, არაკვალიფიციური, მაგრამ ქართული ოცნებისთვის სანდო კადრებით და ამის შედეგად მივიღეთ ის ყველაფერი, რომ 4-ჯერ გადაწერილი ოქმიც კი შეიცავს შეცდომებს.

არ მოახდინეს რეაგირება არცერთ დარღვევაზე, არჩევნების ღამეს გახსოვთ, თუ როგორ მოხდა არჩევნების შედეგების გამოცხადება და ამის ლოგიკური გაგრძელებაა ის, რომ 91 საჩივრიდან არცერთი არ იქნა არათუ დაკმაყოფილებული, არამედ მათი უმეტესობა საერთოდ არ განიხილეს.

სწორედ ამის გამო, ჩვენ მოვითხოვთ პირველი, რომ ეს არჩევნები არ ჩაითვალოს ლეგიტიმურად, მეორე, არ ვაღიარებთ მის შედეგებს და ვითხოვთ ხელახალ არჩევნებს, რომელსაც ჩაატარებს ახალი საარჩევნო ადმინისტრაცია, ხოლო ქალბატონი თამარ ჟვანია დაუყონებლივ უნდა გადადგეს ყველა იმ ქმედებისთვის, რომელიც მან ჩაიდინა არჩევნების გამოცხადების დღიდან დღემდე დამთავრებული.“ - განაცხადა თარხნიშვილმა.