აშშ-ის წინადადება ირანთან თანმაშრომლობაზე აზრს მოკლებულია მანამდე, ვიდრე თეირანის წინააღმდეგ ამერიკის სანქციები იმოქმედებეს. ამის შესახებ გაეროში ირანის მუდმივმა წარმომადგენელმა მაჯიდ თახთ-რავანჩიმ განაცხადა.

 „გვესმის აშშ-ის განცხადებები შესაძლო თანამშრომლობაზე და იმავე დროს სანქციების გამკაცრებაზე საუბრობს, ასეთი წინადადება აზრს მოკლებულია“, - აცხადებს რავანჩი.

მისი თქმით, ვაშინგტონის სანქციები „ეკონომიკური ტერორიზმია და  საერთაშორისო სამართალს ეწინააღმდგება“. „რამდენიმე დღის წინ აშშ-ის ხელისუფლებამ მოაწყო ტერაქტი და მოკლა გენერალი ქასემ სოლემიანი და ამით ირანელი ხალხის წინააღმდეგ მტრობის ახალი თავი გახსნა“, - აღნიშნა მან.

აშშ-ის პრეზიდენტმა დონალდ ტრამპმა თეთრ სახლში გამართულ ბრიფინგზე განაცხადა, რომ აშშ მზად არის თეირანთან სამშვიდობო მოლაპარაკებებისთვის და ირანულ მხარეს „ისლამური სახელმწიფოს“ წინააღმდეგ ერთიანი ბრძოლისკენ მოუწოდა.  

ტრამპმა თავისი გამოსვლის დროს ასევე განაცხადა, თეირანის მიმართ ახალი მკაცრი სანქციების შემოღების შესახებ, რომელიც ძალაში იმ დრომდე დარჩება, ვიდრე ირანი თავის ქმედებებს არ შეცვლის.