პრინც ჩარლზის ფონდში დაცული პიკასოს, მონესა და დალის ნახატები ყალბი აღმოჩნდა
ბრიტანეთის პრინცი ჩარლზი სკანდალის ცენტრში აღმოჩნდა. DailyMail-ი თავის წყაროზე დაყრდნობით იტყობინება, რომ პრინცის საქველმოქმედო ფონდში დაცული პაბლო პიკასოს, კლოდ მონესა და სალვადორ დალის ნახატები ყალბია.
ნახატების ღირებულება 135 მლნ დოლარზე მეტს შეადგენს. აღნიშნულია, რომ ტილოები ბრიტანეთის ტახტის მემკვიდრეს გაკოტრებულმა ბიზნესმენმა ჯეიმს სტანტმა აჩუქა.
საქველმოქმედო ფონდში აღნიშნეს, რომ ნახატები ორგანიზაციის ცენტრალურ ოფისში გამოფენილი აღარ არის. „ძალიან სამწუხაროა, რომ ამ ნახატების ნამდვილობა საეჭვო გახდა“, - განუცხადა გამოცემას ფონდის წარმომადგენელმა.
