ტაილანდის ეროვნულ პარკში ველური სპილო ტურისტების ავტომობილზე დაწვა. წერს Bangkok Pos-ი. როგორც გაირკვა პარკის დამთვალიერებლებმა ავტომობილი გააჩერეს და სპილოსთვის ფოტოების გადაღებას აპირებდნენ, როდესაც მათ 35 წლის სპილო, სახელად დია, მიუახლოვდა და მანქანის სახურავზე გადაწვა. მძღოლმა ავტომობილის გამოყვანა შეძლო. შემთხვევის შედეგად არავინ დაშავებულა. თუმცა მნიშვნლოვნად დაზიანდა მანქანა, ჩაიმსხვრა უკანა მინა, სახურავის ზედაპირი კი დაიჯყლიტა. პარკის ადმინისტრაციამ ტურისტებს სპილოებთან შეხვედრის შემთხვევაში წესების დაცვისკენ მოუწოდა.

პარკის თანამშრომლებმა ინციდენტი ვიდეოთი გადაიღეს.

პარკის ადმინისტრაციაში აღნიშნეს, რომ წვიმებისა და აცივების სეზონების შუა პერიოდში დია რეგულარულად გამოდის ტყიდან, ტურისტებთან „შესახვედრად“. მათ დამთვალიერებლებს შეახსნეს, რომ არ შეიძლება სპილოსთან ავტომობილით მიახლოება, როდესაც მძღოლი დაინახავს, რომ სპილოსთან მანძილი 30 მეტრზე მეტად მცირდება, ტერიტორია დაუყოვნებლივ უნდა დატოვოს.