კონგრესმენმა რალფ აბრაჰამმა წარმომადგენელთა პალატაში განსახილველად შეიტანა რეზოლუცია კონგრესიდან ნენსი პელოსის გარიცხვის თაობაზე. ამის შესახებ ნათქვამია აბრაჰამის ოფიციალურ ვებგვერდზე გამოქვეყნებულ განცხადებაში.

 „ნენსი პელოსის გამძვინვარებული ჯვაროსნული ლაშქრობა ჩვენი კანონიერად არჩეული პრეზიდენტის წინააღმდეგ, წარმოადგენს პოლიტიკურად მოტივირებულ ნადირობას ალქაჯებზე, რომელიც უნდა დასრულდეს. ის (ნენსი პელოსი) არცხვენს წარმომადგენელთა პალატას და სპიკერის ჩაქუჩს იყენებს თავისი პარტიის პოლიტიკური მოთხოვნილებების დასაკმაყოფილებლად... მე შევიტანე რეზოლუცია, რომელიც მოითხოვს წარმომადგენელთა პალატიდან მის გარიცხვას და სპიკერის ოფისის გათავისუფლებას“, - ნათქვამია განცხადებაში.

ამ გადაწყვეტილების მიღებას სენატის ან პრეზიდენტის თანხმობა რ სჭირდება.

შეგახსნებთ, დემოკრატებმა კონგრესში დაიწყეს ტრამპის იმპიჩმენტის პროცედურა, მათ პრეზიდენტი დაადანაშაულეს  უკრაინის ხელისუფლებაზე ზეწოლაში, რათა ყოფილი ვიცე-პრზეიდენტ ჯო ბაიდენის ოჯახის მიმართ გამოძიება დაწყებულიყო. ბაიდენი 2020 წლის საპრეზიდენტო არჩევნებში ტრამპის ძირითადი კონკურენტია.