კონეკტიკუტის შტატში, ბრედლის აეროპორტში მეორე მსოფლიო ომისდროინდელი ბომბდამშენი ჩამოვარდა, ადგილობრივი მედიის ცნობით,  დაიღუპა შვიდი ადამიანი

ხელისუფლების მონაცემებით, ბორტზე 13 ადამიანი იმყოფებოდა: 10 მგზავრი და ეკიპაჟის სამი წევრი.

საავადმყოფოში სულ მცირე 6 ადამიანი გადაიყვანეს, სამ მათგანს მძიმე დაზიანებები აღენიშებოდა.

დაშავდა ქვემოთ მყოფი ერთი ადამიანიც.

რამდენიმე წუთის ფრენის შემდეგ პილოტებმა გაუმართაობის შესახებ აცნობეს და მიწაზე დაშვების ნებართვა ითხოვეს. დაშვების დროს თვითმფრინავმა მართვა დაკარგა და ანგარს შეეჯახა.

მეორე მსოფლიო ომისდროინდელი ბომბდამშენი ბი-17 მოკლე ფრენებს ახორციელებდა ისტორიისა და ავიაციის მოყვარულთათვის.

ტრანსპორტის უსაფრთხოების ეროვნული საბჭო ავიაკატასტროფის მიზეზებს გამოიძიებს.