ამერიკელმა მაძიებლებმა მინესოტას შტატში, ზემო ტბაში 1901 წელს ჩაძირული ხომალდი Hudson-ი იპოვეს, რომელსაც ადგილობრივები „გემ-მოჩვენებას უწოდებდნენ. ამის შესახებ გამოცემა MRP News-ი იუწყება.

გემი 250 მეტრის სიღრმეში ჯერ კიდვ ზაფხულში აღმოაჩინეს, თუმცა ცნობილი მხოლოდ ახლა გახდა. ძებნის დროს გამოყენებული იყო ჰიდროლოკატორი, მკველვარებმა გემს ფოტოსურათებიც გადაუღეს. მათი თქმით, ხომალდი, რომელიც 1888 წელს არის აგებული, ფაქტობრივად არ დაზიანებულა.

გემს სელი და ხორბალი გადაჰქონდა, ის დულუტის პორტიდან 1901 წლის 15 სექტემბერს გავიდა, რის შემდეგც ძლიერ შტორმში მოხვდა და გაუჩინარდა. მომდევნო დღეს მეთვალყურემ, რომელიც ამ რაიონში მდებარე შუქურაზე იმყოფებოდა, განაცხადა, რომ „ამოუცნობი“ გემის კატასტროფა იხილა, თუმცა ამ შემთხვევის სხვა მოწმეების პოვნა ვეღარ მოხერხდა.

მხოლოდ 1901 წლის 20 სექტემბერს ადგილობრივმა მეთევზეებმა აღმოაჩინეს ნამსხვრევები, რომლებიც Hudson-ს ეკუთვნოდა, ასევე ეკიპაჟის რამდენიმე წევრის ცხედრები, თუმცა კატასტროფის ზუსტი ადგილისა და ეკიპაჟის დანარჩენი წვერების ბედი გაურკვეველი დარჩა. ამასთან, მომდევნო ათწლეულის განმავლობაში ადგილობრივებს შორის ვრცელდებოდა ხმები, რომ ხომალდი ჯერ კიდევ დაცურავდა ტბაზე, როგორც «გემი-მოჩვენება“.