მალაიზიის პრემიერ-მინისტრმა მაჰათჰირ მუჰამედმა განაცხადა, რომ მზად არის უმაღლეს სახელმწიფო თანამდებობაზე კიდევ სამ წელიწადს დარჩეს, იმის მიუხედავად, რომ მომავლი წლისთვის პოსტის დატოვებას აპირებდა. ამის შესახებ ადგილობრივი მედია იუწყება.

„გპირდებით, რომ მთავრობის მეთაურის პოსტს საყოველთაო არჩევნებამდე დავტოვებ, რომელიც 2023 წელს იმართება. ასე, რომ მუშაობისთვის კიდევ სამი წელი მაქვს“, - განაცხადა  94 წლის პოლიტიკოსმა ნიუ-იორკში, სადაც ის გაეროს გენერალური ასამბლეის სესიაში მონაწილეობდა. პრემიერმა აღნიშნა, რომ დღე-ღამეში 18 საათს მუშაობს, რადგან თანამდებობიდან წასვლამდე დიდი დრო არ რჩება.

2017 წელს ოთხმა ოპოზიციურმა პარტიამ ჩამოაყალიბა „იმედის ალიანსი“, რომლის ლიდერიც მაჰათჰირი გახდა. ასევე შეთანხმდნენ, რომ 2018 წლის სპარლამენტო არჩევნებში გამარჯვების შემდეგ მაჰათჰირი პრემიერი იქნებოდა. მაჰათჰირი სხვადასხვა დროს იყო მალაიზიის განათლების მინისტრი, ვიცე-პრეზიდენტი, ვიცე-პრემიერი და ვაჭრობის მინისტრი