სულ მცირე 28 ადამიანი დაიღუპა კონგოში, ითურის პროვინციაში იძულებით გადაადგილებულთა ბანაკში მომხდარი თავდასხმების შედეგად. ინფორმაციას სააგენტო „როიტერი“ ავრცელებს. როგორც სააგენტო იუწყება, კონგოს ჩრდილო-აღმოსავლეთ ნაწილში თავდასხმების სერია მიმართული იყო მშვიდობიანი მოქალაქეების, მათ შორის ბავშვების წინააღმდეგ, რომლებიც ბოლო რამდენიმე თვის განმავლობაში გაურბოდნენ ფერმერულ და მესაქონლეთა თემებს შორის შეტაკებებს.

ორ თემს შორის კონფლიქტი დიდი ხანია მიმდინარეობს საძოვრებისა და პოლიტიკურ წარმომადგენლობაზე უფლებების მოსაპოვლებლად.

სააგენტოს ინფორმაციით, თემთა შორის შეტაკებების შედეგად ივნისის დასაწყისიდან 200-ზე მეტი ადამიანია დაღუპული, 300 ათასი კი იძულებული გახდა თავიანთი საცხოვრებელი სახლები დაეტოვებინათ.