ქარიშხალი „დორიანი“, აშშ-ის ისტორიაში, შესაძლოა, ერთ-ერთი უძლიერესი გახდეს. ამის შესახებ პრეზიდენტმა დონალდ ტრამპმა განაცხადა.

ფლორიდის შტატის გუბერნატორმა რონ დე სანტისმა ოთხშაბათს საგანგებო მდგომარეობის რეჟიმი გამოაცხადა ქარიშხალ „დორიანის“ მიახლოების გამო.

 „ქარიშხალი „დორიანი“ სავარაუდოდ, ფლორიდას თავს კვირას გვიან საღამოს დაატყდება. მზად იყავით, გთხოვთ, მიყვეთ ხელისუფლების ინსტრუქციებს შტატისა და ფედერალურ დონეზე. ეს ძალიან ძლიერი ქარიშხალი იქნება, შესაძლოა, ერთ-ერთი ყველაზე ძლიერი!“, - წერს ტრამპი მიკრობლოგ Twitter-ში.

გუშინ ცნობილი გახდა, რომ ტროპიკული შტორმი „დორიანი“ ატლანტის ოკეანეში  ქარიშხლის დონემდე გაძლიერდა. ის მიუახლოვდა სენტ-ტომასის კუნძულს. მისი სიჩქარე საათში 120 კმ-ს აღწევს.

 „დორიანი“ ამ სეზონზე მეოთხე ქარიშხალია. წინა სამიდან ერთ -ერთს - „ბარის“ ერთი ადამიანი ემსხვერპლა.