იტალიის პრეზიდენტი სერჯო მატარელა შეხვდა ჯუზეპე კონტეს, რომელმაც პრემიერ მინისტრის თანამდებობა ცოტა ხნის წინ დატოვა და ახალი მთავრობის ფორმირება დაავალა. ამის შესახებ პრეზიდენტის კანცელარიის მდივანმა უგო ძამპეტიმ Rai-ის ეთერში განაცხადა.

 „კონტემ მანდატი მიიღო“, - აღნიშნა ძამპეტიმ.

ყოფილმა პრემიერმა მოგვიანებით განაცხადა, რომ ის ჯერ კონსულტაციებს გამართავს საპარალმენტო ჯგუფებთან, შემდეგ კი შეიმუშავებს პროგრამას პოლიტიკურ ძალებთან ერთად, რომლებმაც მხარი ახალ პროექტს დაუჭირეს.

მისი თქმით, იტალიას სჭირდება რაც შეიძლება სწრაფად იპოვოს გამოსავალი და არასტაბილურობას თავი დააღწიოს.

იტალიაში რვა აგვისტოს სამთავრობო კრიზისი დაიწყო. მაშინ ვიცე-პრემიერმა და პარტია „ლიგის“ ლიდერმა მატეო სალვინიმ კონტეს აცნობა საპარლამენტო უმრავლესობის დაშლის შესახებ, რომელშიც „ლიგა“ „5 ვარსკვლავის მოძრაობასთან“ ერთად შედიოდა და დაუყოვნებლივ ვადამდელი არჩევნების დანიშვნა მოითხოვა.

შედეგად კონტე იძულებული გახდა მატარელასთვის გადადგომის თხოვნით მიემართა, პრეზიდეტმა კონსულტაციები დაიწყო, რომელც გუშინ გაიმართა.

მატარელასთან შეხვედრაზე „მოძრაობის“ ხელმძღვანელობამ განაცხადა, რომ მიღწეულია პოლიტიკური შეთანხმება კონტეს კანდიდატურაზე, რომელიც მინისტრთა კაბინეტს შესაძლოა, მეორედ ჩაუდგს სათავეში.

მთავრობის ფორმირებაზე მანდატის გადაცემის შედმეგ ის კონსულტაციებს გამართავს მინისტრობის კანდიდატებზე, რის შემდეგაც პრეზიდენტს შეხვდება და ამ კანდიდატურების სიას წარუდგენს.