ბრიტანეთის პარლამენტის მუშაობა 14 ოქტომბრამდე შეჩერდება, - ამის შესახებ დიდი ბრიტანეთის პრემიერ მინისტრმა ბორის ჯონსონმა განაცხადა. მისი თქმით, ეს არსებითად შეამცირებს შანსებს, რომ დეპუტატებმა ევროკავშირიდან შეთანხმების გარეშე ქვეყნის გასვლას ხელი შეუშალონ.

„პრემიერ მინისტრი ესაუბრა მის უმაღლესობას დედოფალს და სთხოვა დაასრულოს საპარალმენტო სესია სექტემბერში სხდომის მეორე კვირას. პარტიული კონფერენციების ტრადიციული სეზონის დასრულებისას ახლანდელი პარლამენტის მუშაობის მეორე სესია დაიწყება დედოფლის სიტყვით, 14 ოქტომბერს“, - ნათქვამია პრემიერის კანცელარიის განცხადებაში.

დიდმა ბრიტანეთმა ევროკავშირი 31 ოქტომბერს უნდა დატოვოს.

იმის გათვალისწინებით, რომ პარლამენტარების არდადეგები 3 სექტემბერს სრულდება, იმისთვის, რომ რაიმე ფორმით ხელი შეუშალონ ევროკავშირიდან ქვეყნის გასვლას შეთანხემბის გარეშე, რჩებათ რამდნიმე დღე მუშაობის შეჩერებამდე და რამდენიმე დღე შეჩერების შემდეგ.