ამერიკელმა მსახიობმა რიჩარდ გირმა მიგრანტებს საკვები პროდუქტები პირადად მიუტანა ესპანურ სამაშველო ხომალდ Open Arms-ზე რომელიც ხმელთაშუა ზღვაში უკვე მერვე დღეა დრეიფობს. გემის ბორტზე 121 მიგრანტი იმყოფება, რომლებსაც ამ დრომდე არცერთი სახელმწიფო არ იღებს.

„ბოლოსდაბოლოს პატარა კარგი ამბავი გვაქვს. მოგვიტანეს საკვები პროდქტები Open Arms-ზე და ჩვენ განსაკუთრებული სტუმარი გვყავს - რიჩარდ გირი“, - ნათქვამია მიკრობლოგ „ტვიტერში“Open Arms-ის განცხადებაში.

გირი იტალიაში ისვენებს. მან გადაწყვიტა მიგრანტებს თავისი ინიციატივით დახმარებოდა. იახტაზე, რომლითაც ის გემთან მიცურდა შემდეგ წარწერაა: „თქვენ მარტო არ ხართ“.

საზოგადოებრივი ორგანზიაცია Proactiva Open Arms-მა ევროპის ქვეყნებს სამარცხვინო უწოდა. „სირცხვილია, რომ ევროპა არ აძლევს პორტში შესვლის უფლებას ამ ადამიანებს უკვე რვა დღეა“, ნათქვამია ორგანიზაციის განცხადებაში.

ორი სამაშველო ოპერაციის დროს 124 მიგრანტი გადაარჩინეს. პირველი ოპერაცია ლიბიის სანაპიროებთან ჩატარდა, მეორე კი იტალიის კუნძულ ლამპედუზას სიახლოვეს. მიგრანტებს შორის 32 მოზარდია. იტალიის ხელისუფლებამ გემიდან სამი ადამიანი გაიყვანა, მათ შორის ორი ორსული.

იტალია და მალტა საზოგადოებრივი ორგანიზაციების ხომალდების მიღებაზე უარს ამბობს, რომელთა ბორზტებზეც მიგრანტები იმყოფებიან. Open Arms-მა დახმარების თხოვნით მიმართა ესპანეთს, საფრანგეთსა და გერმანიას, თუმცა ამ დრომდე პასუხი არ მიუღიათ.

უფლებადამცევლი ორგანზიაცია Amnesty International-ის წარმომადგენელთა განცხადებით, მიგრანტები უახლოესმა ქვეყნებმა იტალიამ და მალტამ უნდა მიიღოს. მან ასევე გააკრიტიკა ესპანეთის ხელისუფლება, რომელიც ევროპის ინსტიტუტებს პრობლემის გადასაჭრელად ოფიციალურად არ მიმართავს.

ესპანეთის ხელისუფლებამ განაცხადა, რომ მიგრანტებს არ მიიღებდნენ, რადგან მისი განცხადებით,  ესპანეთი ყველაზე უსაფრთხო და ყველაზე ახლოს მდებარე პორტი არ არის.

ევროპარლამენტის თავმჯდომარემ დევიდ სასოლიმ კი გუშინ ხომალდზე მყოფი მიგრანტების საკითხის დაუყოვნებლივ გადაჭრის საკითხი დააყენა.