ნეიმარს გაუპატიურების საქმეზე ბრალდება მოუხსნეს
„პარი სენ ჟერმენისა“ და ბრაზილიის ნაკრების თავდმსხმელს ნეიმარს გაუპატიურების ბრალდებით აღარ გაასამართლებენ. როგორც ცნობილია, ფეხბურთელს სექსუალურ ძალადობაში ბრაზილიელი მოდელი ნაჟილა ტრინდადი ადანაშაულებდა.
არსებული ინფორმაციით, 27 წლის ფეხბურთელს მტკიცებულებების არარსებობის გამო ბრალს არ წაუყენებენ. ტრინდადის ჩვენებაში უამრავი ურთიერთგამომრიცხავი ფაქტებია.
გოგონა ამტკიცებდა, რომ ნეიმარმა ის 15 მაისს პარიზში გააუპატიურა. ფეხბურთელი კი ამბობდა, რომ ორივე, სექსით ნებაყოფლობით დაკავდა. მოდელი კი მას ფულის გამოძალვის მიზნით აშანტაჟებდა.
