„ემოციები მართე, ენას კბილი დააჭირე და აპოკალიპტურ სურათს ნუ ხატავ“, – ანდრია გვიდიანი სოციალურ ქსელ „ფეისბუქის“ გვერდზე ნიკა გვარამიას განცხადებას ეხმიანება. ეკონომისტი და ანალიტიკოსი ანდრია გვიდიანი სოციალურ ქსელში ბოლო დროს განვითარებულ მოვლენებს კიდევ ერთხელ ეხმიანება და აცხადებს, რომ არავინ ცვლის არც ბორჯომზე, არც ღვინოზე ქართულ სახელმწიფოებრიობას ან/და ქვეყნის ინტერესებს.

"გუშინ კიდევ ერთხელ მოვისმინეთ გვარამიას მორიგი ისტერიული და ეპატაჟური გამოხდომა - ჩაგიფსით ბორჯომშიცო, ღვინოშიცო, ნაბეღლავშიცო და ყველაფერშიო.

ნუ, ამ ისტერიკით, ცხადია, ცდილობს, აქტუალობა არ დაკარგოს - მისი სტილი ეს არის, კონსტრუქციული და არგუმენტირებული ლაპარაკის ნაცვლად, მხოლოდ გინებით და დევიანტური ქცევით უნდა თავი დაგვამახსოვროს.

ახლა რაც შეეხება საქმეს:

✅ რუსეთზე დამოკიდებულებაზე როცა არის საუბარი პირველ რიგში აღსანიშნავია, რომ არავიზე დამოკიდებული არ ვართ - უბრალოდ ნებისმიერი სანქცია ნებისმიერი ქვეყნის მხრიდან არის დამაზიანებელი ჩვენი ქვეყნის ეკონომიკისთვის;

✅ არავინ ცვლის არც ბორჯომზე, არც ღვინოზე ქართულ სახელმწიფოებრიობას ან/და ქვეყნის ინტერესებს;

✅ ამ შუახნის კრიზისული ისტერიკიებით ვერ მოახერხებ ისე დახატო სურათი, თითქოს ბორჯომის გაყიდვა უფრო პრიორიტეტულია, ვიდრე სახელმწიფო ინტერესი;

✅ ნებისმიერი ქვეყნის ბაზარზე უარის თქმა არის სისულელე და მეტი არაფერი;

✅ ჩვენი საექსპორტო თუ ტურისტული ბაზრები, დივერსიფიცირებულია და ყველა ბაზარი მზარდია. შესაბამისად, გარდა რუსეთისა, ყველა ბაზარზე საქართველოს როლი მუდმივად იზრდება;

სანქციების ეფექტები:

ლარის კურსზე გაზრდილი წნეხი;

შემცირებული სამუშაო ადგილები;

დაზარალებული ბიზნესი;

არასტაბილური გარემო საბანკო სექტორში;

შემცირებული უცხოური ვალუტის შემოდინება;

დასკვნა:

ძალიან კარგია, რომ სანქციების ამოქმედებაზე უარი თქვეს და ბევრი ტლიკინი ამას არ უნდა;

ემოციები მართე, ენას კბილი დააჭირე და აპოკალიპტურ სურათს ნუ ხატავ", წერს ეკონომისტი და ანალიტიკოსი ანდრია გვიდიანი Facebook-ის პირად გვერდზე.