30 ადამიანი დაიღუპა ბენზინმზიდის აფეთქების შედეგად ნიგერიაში
სულ მცირე 30 ადამიანი დაიღუპა და 60 დაშავდა ნიგერიაში ბენზინმზიდის აფეთქების შედეგად.
ადგილობრივი მედიის ცნობით, ინციდენტი ბენუეს შტატში მოხდა. თვითმხილველთა თქმით, ბენზინმზიდი გზიდან გადავიდა და გადაბრუნდა. ამის შემდეგ ბენზინმზიდს ადგილობრივები მიცვივდნენ და საწვავის შეგროვება დაიწყეს. აფეთქება სწორედ ამ დროს მოხდა.
