სუდანში სამხედრო გადატრიალების მცდელობა განმეორდა.  

მედიის ცნობით, სუდანში გარდამავალი სამხედრო საბჭოს წინააღმდეგ გადატრიალების მცდელობა აღკვეთეს. დაკავებულია 68 ოფიცერი.

აშშ-ის სანქციებისა და 2011 წელს სამხრეთ სუდანის გამოყოფის შემდეგ ქვეყანაში ეკონომიკური კრიზისია გამეფებული. 2018 წლის დეკემბერიდან საპროტესტო აქციები მიმდინარეობს.

11 აპრილს ქვეყანაში სახელმწიფო გადატრიალება მოხდა. პრეზიდენტი ალ-ბაშირი, რომელიც სუდანს 30 წლის განმავლობაში განაგებდა, თანამდებობიდან გადააყენეს და დააპატიმრეს.

ძალაუფლება ხელში სამხედრო საბჭომ აიღო, რომელმაც განაცხადა, რომ ქვეყანაში არჩევნებს ორი წლის განმავლობაში ჩაატარებს. თუმცა სახალხო პროტესტი მაინც არ ცხრება.

საპროტესტო აქციის მონაწილეები სამოქალაქო მმართველო ორგანოს ფორმირებასა და მისთვის ყველა უფლებამოსილების გადაცემას მოითხოვენ.