შეხვედრაზე ფინანსთა მინისტრმა სტუმარს მიაწოდა ინფორმაცია იმ ღონისძიებების შესახებ, რომელსაც საქართველოს მთავრობა ახორციელებს ადგილობრივი კინოინდუსტრიის განვითარების ხელშეწყობისა და უცხოური კინოწარმოების მოზიდვის მიზნით.

როგორც ნოდარ ხადურმა განაცხადა, პროგრამას „აწარმოე საქართველოში“ დაემატა კინოინდუსტრიის კომპონენტი, რომლის მიზანია, ადგილობრივი კინოინდუსტრიის ბაზრის გაზრდა, ასევე ქვეყნის ტურისტული პოტენციალის განვითარება და დარგში უცხოური ინვესტიციების მოზიდვა.

ფინანსთა მინისტრმა სტუმარს საქართველოს მთავრობის სახელით დახმარება აღუთქვა და იმედი გამოთქვა, რომ კინოგადაღებები საქართველოში წარმატებით დასრულდება, რაც ხელს შეუწყობს ჩვენი ქვეყნის პოპულარიზაციას.