უკრაინის პრეზიდენტი ვოლოდიმირ ზელენსკი ამ მომენტისთვის საქართველოს ყოფილი პრეზიდენტის მიხეილ სააკაშვილის თანამდებობაზე დანიშვნის საკითხს არ განიხილავს.

 „სააკაშვილი კიევშია და მას უკრაინის პასპორტი აქვს. ამ ეტაპზე არ გავნიხილავთ მისთვის რაიმე სახელმწიფო თანამდებობის მინიჭების შესაძლებლობას“, - განუცხადა ზელენსკიმ ქართველ ჟურნალისტებს ბრიუსელში.

ამ საკითხზე კომენტერი გააკეთა უკრაინის პრეზიდენტის პრეს-სპიკერმა იულია მენდელმაც.

 „ამ ეტაპზე ოფიციალურ დონეზე არ განიხილება სააკაშვილისთვის რომელიმე თანამდებობის მინიჭების საკითხი. მთელი მსოფლიო ყურადღებით აკვირდებოდა ცვლილებებს, რომელიც სააკაშვილის მმართველობის დროს საქართველოში მიმდინარეობდა. უკრაინისთვის საქართველოს გამოცდილება საინტერესო იქნება. საუბარია, არამხოლოდ სააკაშვილზე“, - განაცხადა მენდელმა.