აშშ-ის პრეზიდენტი დონალდ ტრამპი დიდ ბრიტანეთში ჩავიდა.

„მსურს გაერთიანებული სამეფოსთვის კარგი მეგობარი ვიყო და მოუთმელნად ველი ჩემს ვიზიტს. ვეშვებით!“- დაწერა ტრამპმა მიკრობლოგ „ტვიტერში“ ლონდონის სტანსტედის აეროპორტში დაშვებამდე.

ამასთან, ტრამპმა მიკრობლოგ „ტვიტერში“ გააკრიტიკა ლონდონის მერი სადიქ ხანი დიდ ბრიტანეთში ამერიკის პრეზიდენტის ვიზიტისადმი მისი უარყოფითი დამოკიდებულების გამო. მან ხანს აბსოლუტურად წარუმატებელი უწოდა და ურჩია მეტი ყურადღება დაუთმოს ლონდონში დამნაშავეობის პროლბემას.

„ის აბსოლუტურად წარუმატებელია და ურჩევნია ლონდონში გაბატონებულ კრიმინალს მიხედოს,“ -წერს ტრამპი.

ტრამპი აშშ-ის პირველ ლედისთან ერთად ბუკინგემის სასახელში ელისაბედ მეორე შეხვდება.

ვიზიტის ფარგლებში, დონალდ ტრამპი შეხვდება დიდი ბრიტანეთის სამეფო ოჯახსა და პრემიერ-მინისტრ ტერეზა მეის. ბრიტანეთის პრემიერთან შეხვედრისას, სავარაუდოდ, მხარეები ისაუბრებენ კლიმატის ცვლილებებსა და ჩინური ტექნოლოგიური კომპანიის Huawei-სთან დაკავშირებით.

დიდი ბრიტანეთის რამდენიმე ქალაქში დაგეგმილია საპროტესტო აქციები ტრამპის ვიზიტთან დაკავშირებით, მათ შორის, ლონდონში, მანჩესტერში, ბელფასტსა და ბირმინგემში.

აშშ-ის პრეზიდენტის ვიზიტი დიდ ბრიტანეთში 3 დღეს გასტანს.