დატვირთულმა მუშაობამ, ჩემი ნება სურვილის საწინააღმდეგოდ, ჩემს ჯანმრთელობაზე რეალურად იქონია სერიოზული გავლენა, რასაც დასჭირდა რეაბილიტაცია, - აცხადებს უზენაესი სასამართლოს ყოფილი თავმჯდომარემ, ნინო გვენეტაძე, რომელიც რამდენიმე დღის წინ თსუ-ის პრორექტორად დაინიშნა.

“ჩვენ ხშირად გვქონდა განსხვავებული პოზიციები რეფორმებთან დაკავშირებით, გვქონდა შეუთანხმებელი წინადადებებიც.

პოლიტიკურ განცხადებებთან დაკავშირებით კომენტრს ვერ გავაკეთებ. კანდიდატები მაშინ წარდგა იუსტიციის საბჭოდან, როცა მე უზენაეს სასამართლოში აღარ ვმოღვაწეობდი.

სია შეიქმნება ახალი კანონმდებლობის, ანუ ცვლილებების შესაბამისად და ეს განხილული იქნება, როგორც იუსტიციის უმაღლესი საბჭოს სხდომაზე, ასევე პარლამენტის მიერ, ამიტომ ამ ორ უწყებას აქვს მაღალი პასუხისმგებლობა.

მე წარმატებას ვუსურვებ ქართულ მართლმსაჯულებას, მინდა, რომ ყველაფერი იყოს ისე, როგორც ადამიანის უფლებების დაცვისა და ობიექტური მართლმსაჯულების განხორციელებისთვის არის საჭირო და ვიმედოვნებ, რომ ასეც იქნება სამომავლოდ”, - განაცხადა გვენეტაძემ.