მოძრაობა „რუსეთი ოკუპანტიას“ აქტივისტები „უკვდავი პოლკის“ აქციას აპროტესტებენ
თბილისის ვაკის პარკთან მოძრაობა “რუსეთი ოკუპანტიას“ აქტივისტები საქართველოში „უკვდავი პოლკის“ მსვლელობას აპროტესტებენ.
მსგავსი მსვლელობის ტრადიცია რუსეთის ხელისუფლებამ ბოლო წლებია დაამკვიდრა ფაშიზმზე გამარჯვების დღის აღსანიშნავად.
კონტრაქციის მონაწილეები საყვირებით და შეძახილებით აპროტესტებენ საქართველოში კრემლის მიერ დაფინანსებული ორგანიზაციების მიერ მსვლელობის მოწყობას და რუსეთის საოკუპაციო პოლიტიკას.
აქციის მონაწილეებს გამოტანილი პლაკატები "ნატო ჩვენი არჩევანია."
პრორუსული ორგანიზაციის „უკვდავი პოლკის“ წევრები კუს ტბის ასახვევთან იმყოფებიან. მათი თქმით, საქართველოსთვის ევროპული ინტეგრაცია დამღუპველია და ისინი მხარს უჭერენ საქართველოს ევრაზიულ კავშირში გაწევრიანებას.
„უკვდავი პოლკის“ წევრები ასევე აპროტესტებენ სახელმწიფო უსაფრთხოების სამსახურის გაფრთხილებას იმის შესახებ, რომ მათ არ აქვთ უფლება გამოიყენონ საბჭოთა სიმბოლიკა.
„უკვდავი პოლკის“ წევრები აპირებენ ვაკის პარკში ფაშიზმის გამარჯვების დღე აღნიშნონ.
