ირანის ისლამური რესპუბლიკის ხელისუფლებამ სპორტსმენი ქალის სადაფ ჰადემის დაპატიმრების გადაწყვეტილება მიიღო.

სადაფ ჰადემი პირველი ირანელი სპორტსმენია, რომელმაც კრივის საერთაშორისო ტურნირზე გაიმარჯვა.

მედიის ცნობით, ჰადემს საფრანგეთში გამართულ ასპარეზობაზე ჰიჯაბის გარეშე და სპორტული შორტებით გამოსვლაში ადანაშაულებენ. ირანული კანონის თანახმად, ქალები რინგზე ჰიჯაბითა და სპორტული სამოსით უნდა გამოვიდნენ, რომელიც სხეულს მთლიანად ფარავს. ამის გარდა ჰადემის მწვრთნელი მამაკაცი იყო, რაც ასევე ქვეყნის კანონმდებლობის დარღვევაა.

ჰადემმა და მისმა მწვრთნელმა მაჰიარ მონშიპურმა სამშობლოში დაბრუნებზე უარი თქვეს და საფრანგეთს თავშესაფარის თხოვნით მიმართეს.