ძალიან კარგად ვიცით, რომ ბიძინა ივანიშვილი 9 აპრილის "გმირებს" თვითონ ეხმარებოდა რუსეთში,  გენერალ ლებედს საარჩევნო კამპანიების დროს, - ამის შესახებ ჟურნალსიტებს „ევროპული საქართველოს“ წარმომადგენელმა, დეპუტატმა ზურაბ ჭიაბერაშვილმა განუცხადა.

“ბიძინა ივანიშვილის ხელისუფლებაში ყოფნის პერიოდმა დაანახა ყველას, რომ ამ ადამიანს არანაირი განცდა და მგრძნობელობა იმისა, თუ ან რაში ცხოვრობდა ქართველი ხალხი ან როგორ ცხოვრობს დღეს, არ აქვს და ყველა მისი სენტიმენტი გამოწვეულია ძალიან მკაცრი საარჩევნო კალკულაციით, რომ ახლა სჭირდება ვიღაცის გულის მოგება. თორემ, ძალიან კარგად ვიცით, რომ ბიძინა ივანიშვილი 9 აპრილის "გმირებს" თვითონ ეხმარებოდა რუსეთში,  გენერალ ლებედს საარჩევნო კამპანიების დროს. ამიტომ ეს ფარისევლობა რასაც ბიძინა ივანიშვილი აკეთებს მუდმივად და ამ შემთხვევაში 9 აპრილთან დაკავშირებით, უკვე ნათელი არის ჩვენი საზოგადოებისათვის და იმედი მაქვს რომ ასეთი ფარისევლობა გამიზნული ისევ საარჩევნო პერიოდებზე, არ იქნება მიღებული ქართული საზოგადოების მიერ და არჩევნებზე მას სათანადო პასუხი გაეცემა”, - განაცხადა ჭიაბერაშვილმა.

„ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა 9 აპრილის 30 წლისთავთან დაკავშირებით წერილი დღეს გაავრცელა.