პარტია „ბატკივშინას“ ლიდერი იულია ტიმოშენკო, რომელიც უკრაინის საპრეზიდენტო არჩევნებში მონაწილეობდა, მიიჩნევს, რომ მეორე ტურში გასულ  პრეზიდენტობის არცერთი კანდიდატს ქვეყნის პრობლემების მოგვარება არ შეუძლია.

 „დღეს ქვეყანა კრიზისში, ომში, ეკონომიკურ სირთულეებში, უკიდურეს სიღატაკეში და ქვეყნის მმართველობის ინსტიტუტების ნგრევის მდგომარეობაშია. უკრაინის წინაშე დიდი გამოწვევები დგას. უკრაინაში სიღარიბეს ფართო მასშტაბები აქვს. მიმაჩნია, რომ მეორე ტურში გასული ვერცერთი კანდიდატი ვერ გაუმკლავდება ამ გამოწვევებს - ვერ შეაჩერებს ომს, სიღარიბეს“, - განაცხადა ტიმოშენკომ კიევში გამართულ პრესკონფერნციაზე.

მისი თქმით, ამ ეტაპზე რაიმე რჩევების მიცემა და მასზე პასუხისმგებლობის აღება არ შეუძლია. ტიმოშენკომ ასევე განაცხადა, რომ მისი გუნდი გამოიყენებს ყველა შესაძლებლობას იმისთვის, რომ პრეზიდენტის არჩევნების მეორე ტურში გაყალბები არ მოხდეს.

უკრაინის პრეზიდენტის არჩევნების მეორე ტური, რომელშიც ვლადიმირ ზელენსკი და პეტრო პოროშენკო მიიღებენ მონაწილეობას, 21 აპრილს გაიმართება.