უკარაინის აღმოსავლეთ რაიონები მსოფლიოში ყველაზე მეტად არის დანაღმული, რაც საფრთხეს 2 მლნ ადამიანს უქმნის. ამის შესახებ გაეროს ლტოლვილთა საქმეების მართვის უმაღლესი კომისრის ოფიციალურმა წარმომადგენელმა შაბია მანტუმ განაცხადა.

ამის გარდა გაეროს მონაცემებით, უკრაინა ავღანეთისა და სირიის შემდეგ მესამე ქვეყანაა, სადაც საომარი მოქმედებების დროს დარჩენილი აუფეთქებელ ნაღმებს ყველაზე მეტი ადამიანი ემსხვერპლა.

 „უკრაინის აღმოსავლეთ რაიონებში ნაღმების არსებობა ორ მილიონზე მეტ ადამიანს ეხება. ნაღმები ხელს უშლის მოსახლეობის თავისუფლად გადაადგილებას და სერიოზულ საფრთხეს უქმნის მშვიდობიან მოსახლეობას, რომლებიც გაადგილდებიან ხელისუფლების მიერ კონტროლირებად და არაკონტროლირებად ტერიტორიებს შორის“, - განაცხადა მანტუმ.

გაეროს მონაცემებით, უკრაინის ხელისუფლების მიერ კონტროლირებად დონეცკისა და ლუგანსკის რაიონებში შესაძლოა დანაღმული იყოს 7 ათასი კვადრატული კილომეტრის ფართობის ტერიტორია. უფრო მწვავე სიტუაციია დონეცკისა და ლუგანსკის თვითგამოცხადებულ რესპუბლიკებში.