რესპუბლიკელი კონგრესმენის ჯიმ ჰაიმს ემი ლაპოსის ყოფილმა თანაშემწმემ განაცხადა, რომ აშშ-ის ყოფილმა ვიცე-პრეზიდენტმა ჯო ბაიდენმა 2009 წელს ის სექსუალურად შეავიწროვა. ლაპოსის თქმით, ბაიდენი ერთ-ერთ ღონისძიებაზე მიუახლოვდა და ცხვირზე ცხვირი შეახო. წერს გაზეთი Hartford Courant-ი.

 „ეს ქმედება სექსუალური ხასიათის არ იყო, მაგრამ მან თავში ხელი ნამდვილად მტაცა. ხელი დამადო კისერზე და თავისკენ მიმიზიდა, რათა ცხვირზე ცხვირით შემხებოდა. როდესაც მან მიმიზდა, გავიფიქრე, რომ ტუჩებში კოცნას აპირებდა“, - განაცხადა ლაპოსმა.

მისი თქმით, მაშინ არ უჩივლია, რადგან ბაიდენი ვიცე-პრეზიდენტის პოსტს იკავებდა, ლაპოსი კი არავინ იყო.

მანამდე ნევადას შტატის გუბერნატორის მოადგილეობის ყოფილი კანდიდატი ლუსი ფლორესი 2014 წელს წინასაარჩევნო ღონისძიებაზე ბაიდენის მიერ არასათანადო საქციელის შესახებ საუბრობდა.

მისი თქმით, სიტყვით გამოსვლამდე ბაიდენი მას უკნიდან მიუახლოვდა, ხელები მხრებზე დააწყო. მის თმებში ამოიხვნეშა და თავზე აკოცა. როგორც მედია წერდა, ქალმა ამ ინციდენტის შესახებ საუბარი ახლა იმიტომ გადაწყვიტა, რომ ბაიდენი 2020 წლის საპრეზიდენტო არჩევნებში მონაწილეობას გეგმავს.

ბაიდენი, რომელიც 2009-2017 წლებში ვიცე-პრეზიდენტის პოსტს იკავებდა, დემოკრატებისგან ერთ-ერთი ყველაზე პოპულარული კანდიდატია. თუმცა მას წინასაარჩევნო ბრძოლაში ჩაბმის შესახებ ჯერ სურვილი არ გამოუთქვამს, თუმცა არც ასეთი შესაძლებლობა გამოურიცხავს.