ფინეთი ზედიზედ მეორედ ლიდერობს ყველაზე ბედნიერი ქვეყნების რეიტინგში World Happiness Report-ის ვერსიით.

შემდეგ პოზიციებს ათეულში იკავებენ დანია, ნორვეგია, ისლანდია, ნიდერლანდები, შვეიცარია, ახალი ზელანდია, კანადა და ავსტრია. აშშ-მა მე-19 ადგილი დაიკავა, გერმანიამ - მე17, დიდმა ბრიტანეთმა - მე15, საფრანგეთმა -24-ე, საუდის არაბეთმა - 28-ე. საქართველო კი 119-ე ადგილზე მოხვდა.

ყველაზე უბედურ ქვყნებად დასახელდა სამხრეთ სუდანი (ბოლო 156-ე ადგილი). ოდნავ უკეთესი მდგომარეობაა ცენტრალური აფრიკის რესპუბლიკაში, ავღანეთში, ტანზანიაში, რუანდაში, იემენსა და მალავიში.

World Happiness Report-ის რეიტინგს გაეროს დაკვეთით 2012 წლიდან ადგენენ. კვლევა აფასებს 156 ქვეყანას სიცოცხლის ხანგრძლივობის, სოციალური მხარდაჭერის, კორუფციის დონისა და სხვა კრიტერიუმების მიხედვით.