იაპონიის ხელისუფლება ტახტზე ახალი იმპერატორის ასვლასთან დაკავშირებულ საზეიმო ღონისძიებაზე ოქტომბერში მსოფლიოს 195 ქვეყნის დელეგაციას უმასპინძლებს.

იაპონიის ახლანდელი იმპერატორი აკიჰიტო ტახტს ხანდაზმულობის გამო 30 აპრილს ტოვებს. მეორე დღეს კი ქვეყნის იმპერატორად მის უფროს ვაჟს - 59 წლის პრინცს ნარუჰიტოს აკურთხებენ.

ძირითადი ტრადიციული რიტუალები ტახტზე ახალი იმპერატორის ასვლასთან დაკავშირებით ოქტომბრში გაიმართება. მის სამოქალაქო ნაწილს, მათ შორის საზეიმო ბანკეტს, 195 ქვეყნის მაღალი თანამდებობის პირები დაესწრებიან.

იაპონიის იმპერატორი კონსტიტუციით სახელმწიფოსა და ხალხის ერთიანობის სიმბოლოს წარმოადგენს, მას არ აქვს სახელმწიფოს მეთაურის სტატუსი სხვა ზოგიერთი მონარქისგან განსხვავებით. იაპონიის იმპერატორი ასრულებს ცერემონიულ ფუნქციებს, მონაწილეობს პარლამენტის სესიების გახსნაში და მასპინძლობს მაღალი რანგის სტუმრებს.