მარტის დასაწყისში დასავლური მედია წერდა, რომ მომღერალი ლედი გაგა მსახიობ ბრედლი კუპერისგან ორსულადაა.

ორსულობის შესახებ ხმები მას შემდეგ გავრცელდა, რაც მომღერალმა ოსკარის after-party-ზე სპირტიან სასმელებზე უარი თქვა. მანამდე კი ნიშნობა ჩაშალა კრისტიან კარინოსთან, რომელზეც გათხოვებას აპირებდა. მედია აღნიშნავს, რომ მათი დაშორების მიზეზი ლედი გაგას ორსულობა გახდა.

თავდაპირველად ლდი გაგა ჭორებზე კომენტარს არ აკეთებდა, თუმცა ინფორმაციამ მისი ორსულობის შესახებ მედია იმდენად მოიცვა, რომ გადაწყვიტა ეპასუხა და Twitter-ის გვერდზე შემდეგი ჩანაწერი დატოვა:  „ამბობენ, რომ ორსულად ვარ. დიახ, ორსულად ვარ!  მეექვსე ალბომით“.

ორი ვარსკვლავის შესაძლო რომანის შესახებ მსოფლიო მედია უფრო მეტად გააქტიურდა ოსკარის ცერემონიაზე მათი გულისამაჩუყებელი გამოსვლის შემდეგ როდესაც ფილმიდან „ვარსკვლავი დაიბადა“ სიმღერა Shallow შეასრულეს.

ოსკარის შემდეგ ლედი გაგამ ბრედლი კუპერთან რომანის შესახებ გავრცელებულ ჭორებზე კომენატრი გააკეთა.

 „ხალხმა დაინახა სიყვარული. ეს ის არის რაც ჩვენ გვინდოდა. სიმღერა Shallow სიყვარულზეა, ფილმი „ვარსკვლავი დაიბადა“ კი სასიყვარულო ისტორიაა. ბრედლი ფილმის რეჟისორი და ყველა მუსიკალური სცენის ავტორია. ორივესთვის ეს კავშირი ძალიან მნიშვნელოვანი იყო. როდესაც ასრულებთ სიმღერას სიყვარულზე, გინდათ, რომ მსმენელებმა ეს იგრძნონ“, - აღნიშნა ლედი გაგამ ჯიმი კიმელის შოუში.