ინფორმაციის თავისუფლების განვითარების ინსტიტუტის (IDFI) და ფონდის "ღია საზოგადოება საქართველო" ორგანიზებით, სასტუმროში "თბილისი მარიოტი" 2015 წელს საქართველოში ინფორმაციის თავისუფლების მდგომარეობის შემაჯამებელი ანგარიშის პრეზენტაცია გაიმართა.
ღონისძიებაზე საჯარო ინფორმაციის ხელმისაწვდომობის პრაქტიკის ძირითადი ტენდენციები და გამოწვევები განიხილეს. დასახელდნენ ყველაზე გამჭირვალე და დახურული უწყებები.
გარემოს დაცვის სამინისტროსთან ერთად, საჯარო ინფორმაციის გაცემის 100 %-იან მაჩვენებელს სპორტისა და ახალგაზრდობის სამინისტრო და რეგიონული განვითარებისა და ინფრასტრუქტურის სამინისტრო ფლობენ.
ღონისძიებას სამთავრობო უწყებების, საქართველოში აკრედიტირებული დიპლომატიური კორპუსის, არასამთავრობო სექტორისა და მედიის წარმომადგენლები ესწრებოდნენ.