საპარტნიორო ფონდი რესპუბლიკურ საავადმყოფოში ფინანსური დარღვევების შესასწავლად აუდიტის სამსახურის შესვლას მოითხოვს.

ფონდი, რომლის ბალანსზეც საავადმყოფოა, დირექტორის გადაყენებასა და საგადასახადო სამსახურების მიერ დარღვევების შესწავლას მოითხვს.

საპარტნიორო ფონდში აცხადებენ, რომ პრობლემები საავადმყოფოში შიდა აუდიტმა აღმოჩინა, რაც შესაძლოა არსებული მენეჯმენტის დათხოვნის მიზეზი გახდეს. ფონდის აღმასრულებელი დირექტორის დავით საგანელიძის თქმით, ის პირველ რიგში ფინანსური მენეჯმენტის გადადგომას და ფინანსური ანგარიშების გასწორებას ითხოვს. 

"მე პირველ რიგში მოვითხოვე ფინანსური მენეჯმენტის გადადგომა და ფინანსური ანგარიშგების გასწორება. მოვითხოვე რომ აუდიტორმა კომპანიამ და საგადასახადო სამსახურებმა შეამოწმონ ერთ-ერთი სეგმენტი. ნამდვილად არსებობს ბევრი დარღვევა ისეთი, როგორიც არ უნდა იყოს. ეს არის ზოგი შეიძლება უმნიშვნელო ზოგი შეიძლება მნიშვნელოვანი მე ამაზე არ ვისაუბრებ ამაზე შესაბამისად ისაუბროს შესაბამისმა ორგანოებმა და მათი მიიღონ დასკვნა.

ვინაიდან საპარტნიორო ფონდს გადმოცემას ეს კლინიკა, ჩვენ მართალია სამედიცინო ნაწილში არ ვერევით, იმიტომ რომ ჩვენ მხოლოდ ბალანსზე გვაქვს შენობა, მაგრამ პასუხის ვაგებთ ტუ რა ხდება იმიტომ რომ აქ ავადმყოფები მკურნალობენ"-ამბობს დავით საგანელიძე.