აჭარის მთავრობის დელეგაცია საქმიანი ვიზიტით თურქეთში იმყოფება. ვიზიტის ფარგლებში დელეგაციის წევრები ტრაპიზონის გუბერნატორს ჯელილ აბდილ ოზის და მერს ორჰან ფევზიგურმუქჩუოღლუს შეხვდნენ. შეხვედრისას ხაზი გაესვა ბათუმსა და ტრაპიზონს შორის 15 წლიანი მეგობრობის საიუბილეო თარიღს. ტრაპიზონის მერმა ისაუბრა ამ ხნის განმავლობაში ერთობლივადგანხორციელებულ პროექტებსა და ღონისძიებებზე. გუბერნატორმა ყურადღება გაამახვილა მეზობელი რეგიონების ტრანსსასაზღვრო ობიექტების განვითარებასა და მომავალ ერთობლივ პროექტებზე, რომლებიც ტურიზმის, სოფლის მეურნეობის და კულტურის მიმართულებით უნდა განხორციელდეს.
ტრაპიზონში ოფიციალური ვიზიტის ფარგლებში აჭარის მთავრობის თავმჯდომარემ არჩილ ხაბაძემ შეხვედრა გამართა ტრაპიზონის სავაჭრო-სამრეწველო პალატის პრეზიდენტთან და ბიზნეს სექტორისწარმომადგენლებთან. არჩილ ხაბაძე ბიზნესმენებს ორმხრივ სავაჭრო და ეკონომიკურ ურთიერთობეზე ესაუბრა. ასევე უპასუხა მათ მიერ დასმულ შეკითხვებს.
შეხვედრის დროს საუბარი შეეხო შავიზღვისპირა ქალაქების რეგიონალური განვითარების მნიშვნელობას. აღინიშნა, რომ ამ მხრივ საინტერესო სფეროა ტურიზმის განვითარების ერთიანი სტრატეგია დააუცილებელია ევროკავშირის ისეთი პროექტების განხორციელება, რომლებიც საზღვრისპირა რეგიონების ერთობლივ განვითარებას ემსახურება. კულტურულ სფეროშიც შესაძლოა დაიგეგმოს დაგანხორციელდეს ერთობლივი ღონისძიებები.
ოფიციალური ვიზიტის ფარგლებში გამართულ შეხვედრებს აჭარის უმაღლესი საბჭოს თავმჯდომარე ავთანდილ ბერიძე, ბათუმის საკრებულოს თავმჯდომარე ირაკლი ჭეიშვილი, აჭარის განათლების,კულტურის და სპორტის მინისტრი გიორგი თავამაიშვილი, მისი მოადგილე ნათია სირაბიძე, აჭარის ა.რ. მთავრობის აპარატის უფროსი რუსლან ქორიძე და საერთაშორისო ინვესტორთა ასოციაციის ხელმძღვანელი ოსმან მჯავანაძე ესწრებოდნენ.