მზისგან მიღებული დამწვრობით საავადმყოფოში 6 ადამიანი მოხვდა
ხეჩინაშვილის სახელობის საუნივერსიტეტო კლინიკის დამწვრობის ცენტრში მზისგან დამწვრობით ექვსი ადამიანი მოხვდა. ამის შესახებ საზოგადოებრივი მაუწყებელი იტყობინება.
დამწვრობის ცენტრის ხელმძღვანელის გუგა ქაშიბაძის განცხადებით, პაციენტების ჯანმრთელობის მდგომარეობა ამჟამად სტაბილურია. მათი ასაკი 9-დან 22 წლამდე მერყეობს.
დამწვრობის ცენტრის ინფორმაციით, დღემდე კლინიკას უკვე 71-მა პაციენტმა მიმართა. მათგან 55 შემთხვევა რუჯს და ძლიერ სიცხეს უკავშირდებოდა.
ქაშიბაძე მოსახლეობას მოუწოდებს შუადღის მზეს მოერიდონ.
