png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

საქართველოს საპარლამენტო დელეგაცია ინდონეზიის რესპუბლიკის ვიცეპრეზიდენტს შეხვდა

  • პოლიტიკა
  • 02.12.2015
  • 16:32
საქართველოს საპარლამენტო დელეგაცია ინდონეზიის რესპუბლიკის ვიცეპრეზიდენტს შეხვდა

ინდონეზიის რესპუბლიკაში ვიზიტით მყოფმა საქართველოს პარლამენტის დელეგაციამ, რომელსაც დავით უსუფაშვილი ხელმძღვანელობს, შეხვედრა ქვეყნის ვიცეპრეზიდენტთან, იუსუფ კალასთან გამართა. 

პარლამენტის თავმჯდომარის განცხადებით, საქართველოში ინდონეზიას კარგად იცნობენ და მთავარ ღირებულებებს-მრავალფეროვნების შენარჩუნებასა და ტოლერანტულობას, იზიარებენ. დავით უსუფაშვილმა საქართველოს მიერ დემოკრატიული განვითარების გზაზე მიღწეული წარმატებების შესახებ ისაუბრა და აღნიშნა, რომ ქვეყნის მისწრაფება ევროკავშირია. მისივე თქმით, ქვეყანა აქტიურად მუშაობს ვიზალიბერალიზაციის წარმატებით დასასრულებლად. დავით უსუფაშვილის განცხადებით, საქართველო, ასევე, დაინტერესებულია აზიის ქვეყნებთან, როგორც რეგიონულ პარტნიორებთან ურთიერთობით და სურს მისი გეოპოლიტიკური მდებარეობა სასარგებლო იყოს მეზობელი ქვეყნებისა და ინვესტორებისთვისაც.

პარლამენტის თავმჯდომარის განცხადებით, საქართველოს სახით, ინდონეზიას საიმედო პარტნიორი ჰყავს რეგიონში. მისივე თქმით, ინდონეზიის რესპუბლიკაში საქართველოს საელჩოს წარმატებული საქმიანობა მომავალ ურთიერთობებს შეუწყობს ხელს და თანამშრომლობის განვითარებისთვის, ასევე მნიშვნელოვანია ინდონეზიის რესპუბლიკის საელჩოს გახსნა საქართველოშიც. როგორც დავით უსუფაშვილმა აღნიშნა, ქვეყნებს შორის თანამშრომლობის ხელშესაწყობად ყველაფერს გააკეთებს საქართველოს უმაღლესი საკანონმდებლო ორგანოც.

საქართველოს პარლამენტის თავმჯდომარემ იმედი გამოთქვა, რომ ინდონეზიის რესპუბლიკაში ვიზიტის შემდეგ, ბევრ სასარგებლო საქმეს ჩაეყრება საფუძველი, მათ შორის, სავაჭრო-ეკონომიკური კუთხითა და კულტურულ-საგანმანათლებლო მიმართულებებითაც.

დავით უსუფაშვილმა ინდონეზიის რესპუბლიკის ვიცეპრეზიდენტს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა. მისი თქმით, მიუხედავად იმისა, რომ 2008 წელს რუსეთთან ომმა ქვეყანას ბევრი პრობლემა შეუქმნა, ამან, ხალხთა შორის ურთიერთობები არ უნდა დააზიანოს. დავით უსუფაშვილის განცხადებით, საქართველო კონფლიქტის მშვიდობიანი გზით მოგვარების მომხრეა.

როგორც საქართველოს პარლამენტის თავმჯდომარემ აღნიშნა, მას სჯერა, რომ 21-ე საუკუნეში, სახელმწიფოები საერთაშორისო კანონმდებლობის ერთგულნი იქნებიან და საერთო მთავარი საზრუნავი მშვიდობის უზრუნველყოფა იქნება. დავით უსუფაშვილმა იმედი გამოთქვა, რომ რუსეთსა და თურქეთს შორის დაძაბულობა მალე განიმუხტება.

ინდონეზიის რესპუბლიკის ვიცეპრეზიდენტმა საქართველოს საპარლამენტო დელეგაციას ქვეყნის ისტორია გააცნო და აღნიშნა, რომ ინდონეზიას სავაჭრო და ეკონომიკური კუთხით დიდი პოტენციალი აქვს. მისივე ინფორმაციით, ამჟამად ევროპასთან თავისუფალი ვაჭრობის შესახებ კონსულტაციები მიმდინარეობს. იუსუფ კალა საქართველოს სახელმწიფო წყობით, ეკონომიკური მდგომარეობითა და ტურისტული პოტენციალით დაინტერესდა.

ვიცეპრეზიდენტმა იმედი გამოთქვა, რომ რეგიონში არსებული პრობლემები მალე მოგვარდება და აღნიშნა, რომ ინდონეზია რადიკალიზმსა და ტერორიზმს გმობს.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge