ქეით მიდლტონი და პრინცი უილიამი სერიოზულად ღელავენ უფროსი ვაჟის ჯორჯის სიცოცხლისა და ჯანმრთელობის გამო. როგორც ცნობილია, რამდენიმე დღის წინ 32 წლის ისლამისტმა ჰუსეინ რაშიდმა თავისი დაჯგუფების წევრებს ბავშვზე თავდასხმისკენ მოუწოდა. მამაკაცი ტერაქტის განორციელებასაც კი გეგმავდა იმ სკოლაში, სადაც პატარა პრინცი სწავლობს.

დამნაშავე დაკავებულია, თუმცა სამეფო ოჯახის წარმომადგენლებს ხიფათი ჯერ კიდევ ემუქრებათ. იმისთვის, რომ ჯორჯი უფრო უსაფრთხოდ იყოს, ქეით მიდლტონმა და პრინცმა უილიამმა გადაწყვიტეს შვილისთვის დაცვა დაექირავებინათ. სამეფო გვარდიის ოფიცრები ბავშვს სეირნობისა და სკოლაში წასვლის დროს დაიცავენ, ისინი ასევე მის გვერდით იქნებიან სასწავლო დაწესებულებაში.