22 წლის მამუდუ ჰასამა მალიდან პარიზში რამდენიმე თვის წინ ჩავიდა და გმირად გახდომა უკვე მოასწრო. მან ოთხი წლის ბიჭი გადაარჩინა, რომელიც მეოთხე სართულის აივნიდან ვარდებოდა. მიგრანტის გმირული საქციელი თვითმხილველებმა ვიდეოზე გადაიღეს.

თავისი ქმედება ჰასამამ მარტივად ახსნა: მან  განსაცდელში მყოფი ბავშვი დაინახა და მისი დახმარება გადაწყვიტა. ვიდეოჩანაწერი ფეისბუქში აიტვირთა და 24 საათში რვა მილიონი ნახვა მოიპოვა. გმირს ადამიანი-ობობა შეარქვეს.

ჰასამამ ჟურნალისტებს განუცხადა, რომ საფრანგეთში ცხოვრებაზე ოცნებობს. ახლა მას თავისი ოცნების ასრულება შეუძლია. ემანუელ მაკრონმა ის ელისეის სასახლეში მიიწვია, პარიზის მერი ან იდალგო კი საცხოვრებელი სახლის მოძებანში დახმარებას დაპირდა. გავრცელებული ცნობით, ჰასამას საფრანგეთის პრეზიდენტმა ქვეყნის მოქალაქეობა მიანიჭა. 

Daily Mail-ის ცნობით, ინციდენტის დროს ბავშვის მშობლები სახლში არ  იმყოფებოდნენ. მათ  შესაძლოა ბრალი თავიანთი მოვალეობის სათანადოდ  შეუსრულებლობაში დასდონ.