შავ-თეთრმა კატამ პილუმ პატრონისგან მემკვიდრეობით 1,5 მლნ ევრო მიიღო. ამის შესახებ გაზეთი Corriere della Sera წერს.

შინაური ცხოველის პატრონი ჩეჩილია ანა 88 წლის ასაკში გარდაიცვალა.

ქალს არ ჰყავდა მემკვიდრეები და გარდაცვალებამდე ცოტა ხნით ადრე ანდერძი დაწერა. „საღ გონებაზე მყოფი და სრულიად ჯანმრთელი ვაცხადებ, რომ მსურს ჩემი ქონება კატას - სახელად პილუს დავუტოვო“, - დაწერა მან.

ქონების განმკარგულებელი გახდა შემომწირველების ფონდის წარმომადგენელი, რომელსაც დახმარებისთვის ჩეჩილიამ მიმართა.

მის მოვალეობაში შედის ცხოველის ცხოვრების დონის უზრუნველყოფისთვის თვალყურის დევნება. კატა ამჟამად მოთავსებულია მილანის შინაური ცხიოველების რეზიდენციაში. ამასთან ფონდი ეძებს მსურველს, რომელიც პილუს შეიფარებს.

კატის ახალი პატრონები ვერ მიიღებენ მისი ქონების განკარგვის უფლებას და რეგულარულად მოუწევთ ანგარიშის წარდგენა თუ რამდენი დახარჯეს კატის შესანახად.  

პილუს სიკვდილის შემდეგ დარჩენილი თანხა ცხოველების დაცვის ორგანიზაციას გადაეცემა.