ირაკლი შოთაძის მთავარი პროკურორობით, რეალურად, არაფერი იცვლება, რადგან ფარცხალაძე ისევ მიიღებს დავალებებს ივანიშვილისგან, ის კი, თავის მხრივ შესასრულებლად შოთაძეს დააკისრებს, ამის შესახებ „ნაციონალური მოძრაობის“ დეპუტატმა გოკა გაბაშვილმა პარლამენტის პლენარულ სხდომაზე დღეს განაცხადა.

"სახეზეა ისევ ბატონი შოთაძე, რომელიც აქამდეც იყო, იგივე პოლიტიკური გუნდის ინსტრუმენტი. ყველა გამოსვლა უმრავლესობის მხრიდან, პირდაპირი აღიარება იყო იმისა, თუ რას ელოდებიან პროკურატურისგან. იგივე უნდათ, რაც ამ 3 წლის განმავლობაში. არც დამკვეთი შეცვლილა, ის ისევ სოლოლაკშია. არც მისი სტილი შეცვლილა. არაფერი შეცვლილა. ფარცხალაძე ისევ მიიღებს ივანიშვილისგან დავალებებს და თავის მხრივ დააკისრებს საქმის შესრულებას შოთაძეს. ეს არის იმ გარანტიის გაფორმება, რომ პროკურატურა მყარად იქნება დაჭერილი“, - განაცხადა გოკა გაბაშვილმა.