ანჯელინა ჯოლიმ ჟურნალ InStyle-ს მკითხველებს თავისი სილამაზის საიდუმლო და ასაკთან დამოკიდებულების შესახებ უამბო. 42 წლის მსახიობმა აღიარა, რომ წლების მომატებას მშვიდად ხვდება. მას ყოველთვის არ მოსწონს ის, რასაც სარკეში ხედავს, მაგრამ ყველა ცვლილებას სიყვარულითა და გაგებით ხვდება.

„როდესაც სარკეში ვიყურები,  დედაჩემს ვხედავ. ძალიან მათბობს მასთან მსგავსება. ვხედავ რომ ვბერდები და სიყვარულით ვეკიდები ამას, რადგან ეს ნიშნავს, რომ მე ვცოცხლობ და ასაკში შევდივარ. რა თქმა უნდა, არ მომწონს მუქი ლაქები, რომლებიც ორსულობის შემდეგ დამრჩა. ვხედავ ჩემს ნაკლს. მაგრამ მომწონს ის, რომ ცოცხალი ვარ. ჩემს ანარეკლში ვხედავ ჩემს ოჯახსა და ჩემს ასაკს“, - განუცხადა მსახიობმა ჟურნალს.

ანჯელინა კოსმეტიკის მოყვარული არ არის. რა თქმა უნდა, საზოგადოებაში გამოსვლის წინ გრიმიორები გულმოდგინედ მუშაობენ მის სახეზე და სადღესასწაულო მაკიაჟს უკეთებენ.

 „თავს გაცილებით კარგად ვგრძნობ, როდესაც ხელთ კონსილერი მაქვს თვალების გარშემო მუქი წრეებისთვის. ის ჩემი მთავარი ნივთია. ვატარებ პომადის მხოლოდ ერთ ფერს - წითელს. კიდევ მაქვს შავი ლაინერი თვალებისთვის და ტუში წამწამებისთვის. მაკიაჟის  ყველაზე მოკრძალებული ნაკრები მაქვს“, -აღიარებს ჯოლი.

შეგახსენებთ, რომ მსახიობი  ერთ წელზე მეტია ბრედ პიტთან განქორწინების პროცესს აწარმოებს. წყვილი ვერაფრით იყოფს ბავშვებზე მეურვეობას. ჯოლი ფილმებს დროს ნაკლებად უთმობს და მთლიანად ბავშვების აღზრდაზეა გადართული, რომლებისთვისაც მშობლების განქორწინება ფსიქოლოგიურ ტრავმად იქცა.

ანჯელინა და მისი შვილები ლოს-ანჯელესის გარეუბანში მდიდრულ მამულში ცხოვრობენ. ვარსკვლავმა სახლი ცოტა ხნის წინ შეიძინა და 25 მლნ დოლარი დაუჯდა.